Um alle Inhalte sehen zu können, benötigen Sie den aktuellen Adobe Flash Player.

start wo nami to smy my projekty bajki kreatiwita šulerjow jutry wobrazy dohodowny koncert kolesowarske pruwowanje wobrazy zwonka šule jutry 2015 projekty 4. lêtnik poskitki šule informacije kontakt nowina Schulzeitung 

nowina

Wulku akciju planowachu šulerjo Serbskeje zakładneje šule Ralbicy wutoru, dnja 30.10.2018 w swojej šuli. Dokelž je so před lětom na šulskim dworje drjewjane krosno skóncowane wottwariło a šulski nošer tuchwilu nažel nowe financěrować njemóže, su šulerjo zakładneje šule problem sami do ruki wzali.Wšitcy wobdźělichu so na běhu za nowe hrajkanišćo. W předpolu pytachu sej šulerjo sponsorow, kotřiž jim za kóžde běhane koło wotpowědnu sumu zapłaća. Za šulerjow 1./2. lětnika wobjimaše jedne koło 200 m a za šulerjow 3./4. lětnika 400 m. Z wulkim elanom a přewšo motiwowani běhachu šulerjo koło wo koło. Wšo dohromady naběhachu 118 šulerjow a sportowe wučerki 307 km! Cyle wutrobnje dźakuja so wšitcy šulerjo a wučerki Serbskeje zakładneje šule Ralbicy pola wšitkich darićelow a sponsorow za wulkomyslnu podpěru!

My, šulerjo 4.lětnika, přihotowachmy so na 1. wulke pruwowanje. W šuli nawuknychmy we wěcnej wučbje wažne znajomosće kolesowanja. Derje přihotowani dojědźechmy kónc septembra do Kamjenca na praktiske wukubłanje. Knjez Mittag a jeho sobudźěłaćerjo nas hižo wočakowachu. Po dwěmaj dnjomaj sćěhowaše pruwowanje. Wšitcy běchmy jara napjeći. Skónčnje našu 1. jězbnu dowolnosć hordźe přijimachmy. To bě wjeselo wulke! Nětko smy wěsćiši z kolesom po puću.

1. jězbna dowolnosć

Běh za nowe hrajkanišćo



Serbska zakładna šula RalbicySorbische Grundschule Ralbitz